ටයිටේනියම් ආලේප කරන පෘශ්ඨය හොඳින් පිරිසිදු විය යුතු අතර දූවිලි වලින් තොර විය යුතුය.විශේශයෙන්ම සිනිඳු මතුපිටකට ටයිටේනියම් ආලේපනයේදී එම පෘශ්ඨය ග්‍රයින්ඩින්ග් මැශින් එකක් ආධාරයෙන් කපා ගත යුතුය.ඉන්පසුව CW40 බොන්ඩින්ග් ඒජන්ට් ආලේප කර විනාඩි 15කට පමණ පසුව සුපර් ටයිටේනියම් ආලේපනය ආලේප කරගත හැකිය.
ප්‍රධාන වශයෙන් කොටස් 2කින් සමන්විත වේ.
1. සුපර් ටයිටේනියම් පව්ඩර්
2. සුපර් ටයිටේනියම් පොලිමර්
සුපර් ටයිටේනියම් පව්ඩර් කිලෝග්‍රැම් 5කට සුපර් ටයිටේනියම් පොලිමර් කිලෝග්‍රැම් 2.5ක් ප්‍රමාණවත් වේ. පළමුව සුපර් ටයිටේනියම් පොලිමර් කිලෝග්‍රැම් 2.5ක් පිරිසිදු සහ තරමක් විශාල බඳුනකට දමා ගන්න.පසුව සුපර් ටයිටේනියම් පවුඩර් කිලෝග්‍රැම් 5ක් එයට දමා හොඳින් මිශ්‍ර කරගන්න. මිශ්‍ර කිරීමේදී යාන්ත්‍රික ඩ්‍රිල් උපකරණයක් අවශ්‍ය වන අතර ඒ සඳහා මිනිත්තුවකට වට 400ක් පමණ වේගයක් ඇති උපකරණයක් භාවිතා කරන්න. ආලේප කිරීමට පොටි හැන්දක් භාවිතා කරන්න එමෙන්ම මිශ්‍රණය මිනිත්තු 30ක කාලයක් ඇතුළත දි ආලේපනය කිරීම සුදුසු වේ. උශ්ණත්වය මත මෙම කාල සීමාව වෙනස් විය හැක.
සුපර් ටයිටේනියම් පළවෙනි ආලේපනය ආලේප කරන්න. එය වේලුනු පසු අසමාන තැන් පමණක් 120 ඝණකම වැලි කඩදාසියකින් කපා කුඩු ඉවත් කර දෙවන ආලේපනය ආලේප කරන්න. දෙවන ආලේපනය වේලුනු පසු පෘශ්ඨය හොඳින් 120 ඝණකම ඇති වැලි කොළයකින් හොඳින් කපා මට්ටම් කර ගන්න. ඉන්පසු කපා ගත් කුඩු ඉවත් කර හොඳින් පිරිසිදු කරගන්න. තුන්වන ආලේපනය ආලේප කරන විට පොලිමර් දියරය වැඩි පුර දැමිය යුතුය. එසේම මිශ්‍ර කරන ප්‍රමාණයන් මතකයෙහි තබා ගෙන හෝ ලියා තබා ගැනීම වඩා උපකාරි වන අතර නැවත මිශ්‍ර කිරීමේදී ඔබට එය පහසු වනු ඇත. නැතහොත් වර්ණ වෙනස් වීම සිදුවිය හැකිය. තුන්වන ආලෙපනය ආලේප කරන විට මිශ්‍ර කරගත් ටයිටේනියම් ස්වල්පයක් පමණක් ටයිටේනියම් හැන්ද මත රඳවා සමාන රටාවකට ආලේප කිරීමෙන් අගනා නිමාවක් ලබා ගත හැක. ඒ පිළිබඳ කරුණු දැනගැනීමට අවශ්‍ය වුවහොත් අප ආයතනයේ කාර්මික මහතෙකුගෙන් උපදෙස් ලබා ගන්න. තුන්වන ආලේපනය වේලුනු පසු 320 ඝණකම වැලි කොළයකින් සිනිදුවට කපා ගන්න. ඉන්පසු කුඩු ඉවත් කර සෝදා හරින්න. විනාඩි 15 යාමට පෙර සෝදා වේලීමට ඉඩ හැරිය යුතුය.එවිට තෙත ගතිය පෘශ්ඨය මත තිබෙන විට ඔබට ලේසියෙන් අඩුපාඩු නිරීක්ෂණය කළ හැකිය. යම්කිසි පැල්ලම් හෝ විශාල අඩුපාඩු තිබේ නම් ඔබට හතරවෙනි ආලේපනය කිරීමට සිදුවේ. හතරවෙනි ආලේපනය ආලේප කිරීමට අවශ්‍ය වුවහොත් , එය ආලේප කර වේලුනු පසු 320 ඝණකම වැලි කොළයකින් සිනිදුවට කපා ගන්න. ඉන්පසු කුඩු ඉවත් කර සෝදා හරින්න. විනාඩි 15 යාමට පෙර සෝදා වේලීමට ඉඩ හැරිය යුතුය. අවසාන ආලේපනය සඳහා සුපර් ටයිටේනියම් භාවිතා කිරීමේදී එකම කාණ්ඩ අoක සහිත සුපර් ටයිටේනියම් නිශ්පාදන භාවිතා කිරීමට වග බලා ගන්න.
